chësta é na plataforma digitala, metüda a desposiziun debann
dal Sorvisc ai Jogn Val Badia, por condü adöm domanda y oferta te deplü ciamp,
sciöche p.ej. Posć de laur, Aiüt/assistënza, Abité, CarPooling (comunité de
iade), Marcé dl auto y ciamó deplü. L’intenziun é chëra de adoré te na manîra
positiva y scëmpla les sinergies de nosta sozieté.
Sön chësta plataforma él la poscibilité da chirí val tles categories desvalies,
te na manira asvelta y sënza messëi se registré. Al é ince la poscibilité da se
aboné a temesc d’interes y da gní informá tres mail sce al vën pité val danü.
Dl’ater vers él la poscibilité da pité val, p.ej. n post de laur o n
apartamënt. Te chësc cajo, dô avëi fat la registraziun, pón dé dant sce gní
contatá por mail o por telefon.
Al é la poscibilité da fá n inserat, injunté fotografies, müdé y mëter online o
offline l’inserat te na manira dër scëmpla.
Sön la plata n’él nia conzedü pratiché ativité comerziala, p.ej. na botëga o
firma ne pó nia vëne sü produc al detai o pité sü sorvisc a paiamënt.
Por idees y/o propostes de mioramënt dla plataforma, che pó gní menades a info@inserat.it, rengraziunse bele danfora.
Osc team inserat.it